ملزم ارمغان کے خلاف مجموعی طور پر 11 مقدمات درج ہونے کا انکشاف ہوا ہے۔رپورٹ کے مطابق، ملزم ارمغان ان میں سے دو مقدمات میں صلح نامے کی بنیاد پر بری ہو چکا ہے۔ 2019 میں ساحل تھانے میں شہری کو دھمکانے کا مقدمہ درج ہوا تھا جس میں کمپرومائز کی بنا پر وہ بری ہو گیا۔ اسی طرح، درخشاں تھانے میں اس پر جان سے مارنے کی دھمکیاں دینے اور گھر کے باہر ہوائی فائرنگ کے الزامات بھی ہیں گزری تھانے میں گاڑی کی فروخت کے تنازعے پر شہری کو گھر بلا کر تشدد اور دھوکہ دہی کا مقدمہ درج کیا گیا تھا۔ جس میں عدالت نے ملزم ارمغان کو 15 مارچ کو طلب کر رکھا ہے۔ اس کے علاوہ ارمغان کے خلاف ٹینکر پر فائرنگ اور ٹائر برسٹ کرنے کے الزام کا مقدمہ بھی درخشاں تھانے میں درج تھا جس میں ملزم اور مدعی کے درمیان کمپرومائز کی بنیاد پر ملزم بری ہو گیا۔ارمغان کے خلاف وکیل کو دھمکیاں دینے کا مقدمہ بوٹ بیسن تھانے میں درج ہے بوٹ بیسن تھانے میں درج مقدمے میں ملزم کو اشتہاری قرار دیا جاچکا ہے.درخشاں تھانے میں مصطفیٰ عامر کے اغوا کا مقدمہ بھی درج ہے۔پولیس مقابلہ اقدام قتل کا مقدمہ اے وی سی سی تھانے میں درج ہے جبکہ غیر قانونی اسلحہ رکھنے کے دو مقدمات بھی اے وی سی سی میں تھانے میں درج ہیں۔ ارمغان کے خلاف کوریئر کے ذریعے منشیات منگوانے کی کوشش کے دو مقدمات بھی درج ہیں۔مصطفیٰ عامر قتل کیس میں مزید تحقیقات جاری ہیں جبکہ پولیس ملزم کے دیگر کرمنل ریکارڈز کی بھی چھان بین کر رہی ہے۔
