ڈونلڈ ٹرمپ نے وائٹ ہاوس میں پہلی بڑی تقرری کا فیصلہ کرلیا اس سلسلے میں ڈونلڈ ٹرمپ نے اپنی انتخابی مہم کی مینیجر اور ان کی جیت میں اہم کردار ادا کرنے والی سوزن وائلز کو وائٹ ہاؤس میں چیف آف اسٹاف مقرر کرنے کا فیصلہ کیا ہے . 67 سالہ سوزن وائلز پہلی خاتون ہوں گی جنہیں وائٹ ہاؤس میں چیف آف اسٹاف بننے کا اعزاز حاصل ہوگا۔وائٹ ہاؤس میں چیف آف اسٹاف کا عہدہ انتہائی اہمیت کا حامل ہوتا ہے جو صدر کی تمام مصروفیات کا شیڈول طے کرتا ہے.جبکہ چیف آف اسٹاف، وائٹ ہاؤس کی انتظامیہ کو منظم انداز میں کام کروانے کا ذمہ دار ہوتا ہے اور ان کی نگرانی کرتا ہے۔
