قطری وزیراعظم شیخ محمد بن عبدالرحمان الثانی نے کہا ہے کہ اسرائیلی حملے نے یرغمالیوں کی رہائی کی تمام امیدیں ختم کر دی ہیں۔ امریکی ٹی وی کو دیے گئے انٹرویو میں قطری وزیراعظم نے کہا کہ حماس پر اسرائیلی حملے نے یرغمالیوں کا مستقبل مزید تاریک کر دیا ہے اور اب ان کی رہائی تقریباً ناممکن ہوگئی ہے۔ انہوں نے مزید کہا ثالثی کے کردار کو دہشت گردی قراردینا ناانصافی ہے.اسرائیل ثالثی میں شامل ہوکر قطر کا وقت ضائع کررہا ہے .دوحا پر اسرائیلی حملہ ریاستی دہشت گردی ہے۔قطری وزیراعظم محمد بن عبدالرحمان الثانی نے کہا کہ آج پورا خلیجی خطہ خطرے میں ہےنیتن یاہو مشرقِ وسطیٰ کو انتشار کی طرف دھکیل رہا ہےاسرائیل کا قطر پر حملہ امن کی ہر امید ختم کررہا ہے ۔ قطری وزیراعظم شیخ محمد بن عبدالرحمان الثانی نے کہاکہ بین الاقوامی قوانین کی خلاف ورزی پر نیتن یاہوکو انصاف کے کٹہرے میں لایا جانا چاہیے۔واضح رہے کہ 9 ستمبر کو اسرائیل نے قطر کے دارالحکومت دوحہ پر فضائی حملہ کرکے مقبوضہ فلسطین کی مزاحمتی تنظیم حماس کی مرکزی قیادت کو نشانہ بنایا تھا۔حماس کے مطابق اس حملے میں تنظیم کے سینئر رہنما خلیل الحیہ کے بیٹے اور دفتر کے ڈائریکٹر سمیت 6 افراد شہید ہوئے جبکہ مرکزی قیادت محفوظ رہی۔ قطر کی وزارت داخلہ نے بھی تصدیق کی کہ حملے میں ایک سکیورٹی افسر شہید اور ایک زخمی ہوا۔
