پرتگالی اسٹار فٹ بالر کرسٹیانو رونالڈو 2024ء سب سے زیادہ کمانے والے کھلاڑیوں میں سرِ فہرست ہوگئے.ڈیجیٹل پلیٹ فارم اسپورٹیکو نے 2024ء میں سب سے زیادہ کمانے والے ٹاپ 100 ایتھلیٹس کی فہرست جاری کر دی جس میں کرسٹیانو رونالڈو پہلے نمبر پر ہیں ان کی آمدن 26 کروڑ امریکی ڈالرز ہے۔ان کی آمدنی کا بڑا حصہ سعودی عرب کے کلب النصر اور پرتگال کی قومی ٹیم کے ساتھ کھیلنے سے حاصل ہوا ٹاپ 100 ایتھلیٹس کی فہرست میں کوئی خاتون کھلاڑی شامل نہیں ہے۔ 2024ء میں امریکی ٹینس اسٹار کوکو گاف 30.4 ملین ڈالرز کی آمدنی کے ساتھ سب سے زیادہ کمائی کرنے والی خاتون کھلاڑی رہیں لیکن وہ بھی ٹاپ 100 میں جگہ نہ بنا سکیں فہرست کے مطابق دوسرے نمبر پر امریکی باسکٹ بال کھلاڑی اسٹیف کری ہیں جن کی کل آمدنی 153.8 ملین ڈالرز رہی برطانوی باکسر ٹائسن فیوری 147 ملین ڈالرز کی آمدنی کے ساتھ تیسرے نمبر پر ہیں ارجنٹائن کے فٹبالر لیونل میسی کا 135 ملین ڈالرز کی آمدنی کے ساتھ چوتھا نمبر ہے۔
