ابوظہبی کے سرمایہ کاری گروپ ایم جی ایکس نے بائنانس میں 2 ارب ڈالر کی کرپٹو کرنسی کی سرمایہ کاری کی ہے کمپنیوں نے بدھ کو کہا کہ جس سے دنیا کے سب سے بڑے کرپٹو ایکسچینج اور متحدہ عرب امارات کے درمیان تعلقات مضبوط ہوئے ہیں۔غیر ملکی میڈیا کے مطابق یہ معاہدہ جسے بائنانس نے اپنی پہلی ادارہ جاتی سرمایہ کاری کا نام دیا ہے کرپٹو صنعت میں اب تک کی سب سے بڑی سرمایہ کاری میں سے ایک ہے۔بائنانس کے ترجمان نےایم جی ایکس کے حصص کے حجم یا سرمایہ کاری کے لیے مستحکم کوائن کے استعمال کے بارے میں تبصرہ کرنے سے انکار کیا ہے جبکہ ایم جی ایکس نے بھی تبصرہ کرنے سے انکار کیا ہے۔چین میں ارب پتی چانگ پینگ ژاؤ کی جانب سے 2017 میں قائم کیا گیا بائنانس بٹ کوائن اور دیگر کرپٹو کرنسیوں کی تجارت کی بڑھتی ہوئی طلب کو پورا کرنے کے بعد دنیا کا سب سے بڑا کرپٹو ایکسچینج بن گیا ہے۔بائنانس نے بدھ کے روز اپنے اعلان میں کہا تھا کہ متحدہ عرب امارات میں اس کے کل 5 ہزار کے عملے میں سے تقریباً ایک ہزار ملازمین کام کر رہے ہیں۔بائنانس میں سرمایہ کاری ایم جی ایکس کی طرف سے کرپٹو میں یہ پہلی عوامی شرکت ہے 
