انٹربورڈ کے مطابق بورڈ آفس میں طالبات کے لیے خصوصی کاؤنٹرز قائم کیے گئے ہیں اسکروٹنی30 دن میں مکمل کرنے کے لیے بھی ناظم امتحانات کو ہدایات جاری کردی گئی ہیں۔جبکہ انٹر بورڈ کراچی نے فرسٹ ایئرکے پرچوں کی اسکروٹنی فیس ختم کردی ہے .اعلامیہ کے مطابق فرسٹ ائیرکے امتحانات کے نتائج پر سینئر اساتذہ پر مشتمل کمیٹی بھی بنائی جاچکی ہے۔ طلبہ اسکروٹنی فارم انٹربورڈ کی آفیشل ویب سائٹ سے ڈاؤن لوڈ کرسکتے ہیں۔واضح رہے کہ انٹرمیڈیٹ سال اول میں پری میڈیکل گروپ میں 66 فیصد اور پری انجینئرنگ گروپ میں 74 فیصد طلبہ فیل ہوگئے۔حال ہی میں عہدے سے ہٹائےگئے چیئرمین کراچی انٹربورڈ امیر حسین قادری نے نتائج کا دفاع کرتے ہوئے کہا تھا کہ وہ پوری ذمہ داری سے کہتے ہیں کہ یہ رزلٹ میرٹ کے مطابق ہیں شکایات موصول ہونےکے بعد نتائج کا دوبارہ جائزہ لیا گیا ہے طلبہ کو مطمئن کرنےکے لیے ان کی جوابی کاپیاں بھی دکھانےکو تیار ہیں۔ انٹر میڈیٹ کے نتائج نےکراچی کے طلبہ کے پروفیشنل تعلیمی اداروں میں جانےکے امکانات محدود کردیے ہیں.
