ترجمان محکمہ موسمیات کے مطابق مون سون کا سسٹم ڈپریشن کی صورت میں موجود ہے جس کا مرکز 60 کلو میٹر کراچی کے مغرب میں ہے۔جس کے باعث کراچی میں 24 گھنٹوں کے دوران وقفے وقفے سے بارش کا امکان ہے۔ترجمان کا کہنا ہے کہ آئندہ چند گھنٹوں میں ڈپریشن ہوا کے دباو میں تبدیل ہو گا۔اس کے علاوہ ترجمان محکمہ موسمیات نے مزید بتایا کہ آج دوپہرکراچی کے مغربی اور جنوبی علاقوں میں کہیں کہیں موسلادھاربارش ہوسکتی کراچی میں ہلکی اور معتدل بارش کا سلسلہ رات گئے تک جاری رہے گا۔کراچی میں منگل کی صبح 11 سے آج صبح 8 بجے تک ہونے والی بارش کے اعداد و شمار کے مطابق کراچی کے علاقے سرجانی ٹاؤن میں سب سے زیادہ 129.6 ملی میٹر بارش ریکارڈ ہوئی جبکہ نارتھ کراچی میں 72.2 اور کورنگی میں 70.5 ملی میٹر بارش ریکارڈ ہوئی۔محکمہ موسمیات کے مطابق ڈیفنس فیز 7 میں 70، گلشن حدید میں69، پی اے ایف فیصل بیس پر 55، ناظم آباد میں 54، کیماڑی میں 52 ،سعدی ٹاؤن میں 51.2 ملی میٹر بارش ریکارڈ ہوئی۔گلشن معمار میں 47.9، اورنگی ٹاؤن میں 47.2، ایئرپورٹ پر 46.7، ایم نائن پر 45، یونیورسٹی روڈ پر 44.4، پی اے ایف مسرور بیس پر41 ملی میٹر بارش ریکارڈ ہوئی۔محکمہ موسمیات کے مطابق جناح ٹرمینل پر سب سے کم 29.8 ملی میٹر بارش ریکارڈ ہوئی۔ترجمان محکمہ موسمیات کے مطابق سسٹم کا اثرکراچی، جامشورو، ٹھٹھہ اور سجاول میں رہے گا، سندھ کے دیگر اضلاع میں موسم گرم اور مرطوب رہے گا جمعٔرات کو کراچی میں موسم جزوی ابرآلود اور ہلکی بارش ہوسکتی ہے۔
