بھارت نے امریکی صدر ڈونلڈ ٹرمپ کی جانب سے پابندیوں کی دھمکیوں کے باوجود روس سے تیل کی خریداری برقرار رکھنے کا فیصلہ کیا ہے۔غیر ملکی میڈیا کی رپورٹ کے مطابق صدرٹرمپ کے بیانات کے بعدبھی بھارتی پالیسی میں تبدیلی نہیں لائی گئی بھارت میں تیل کی کمپینوں سےنہیں کہاگیاہےکہ وہ روسی تیل خریدنا بندکردیں۔ نیو یارک ٹائمز نے دو نامعلوم بھارتی سینیئر حکام کے حوالے سے رپورٹ کیا کہ بھارتی حکومت کی پالیسی میں کوئی تبدیلی نہیں آئی ایک اہلکار نے کہا کہ حکومت نے تیل کی درآمدات کم کرنے کے لیے تیل کمپنیوں کو کوئی ہدایت جاری نہیں کی.رپورٹ میں کہا گیا کہ بھارتی کمپنیوں کےروس سے معاہدےطویل البنیاد ہیں ممکن نہیں بھارت ایک ہی رات میں روسی تیل لینا بند کردے تاہم بھارت کی4 سرکاری آئل ریفائنریز نے روس سےخام تیل کی خریداری میں دلچسپی نہیں لی۔ بھارتی وزارتِ خارجہ کے ترجمان رندھیر جیسوال نے کہا ہے کہ بھارت کا روس کے ساتھ ایک مستحکم اور آزمودہ شراکت داری کا رشتہ ہے اور نئی دہلی کے دیگر ممالک کے ساتھ تعلقات اپنی جگہ اہم ہیں اور انہیں کسی تیسرے ملک کے تناظر میں نہیں دیکھنا چاہیے۔خیال رہے کہ امریکی صدر ٹرمپ نے 14 جولائی کو روس سے تیل خریدنے والے ممالک پر 100 فیصد ٹیرف لگانے کی دھمکی دی تھی۔ امریکا کی جانب سے بھارت پر 25 فیصد ٹیرف بھی عائد کیا گیا جس کے جواب میں بھارت نے امریکا سے ففتھ جنریشن ایف 35 اسٹیلتھ لڑاکا جیٹ خریدنے میں عدم دلچسپی ظاہر کردی تھی۔
