بھارت کے خلاف چیمپیئنز ٹرافی کے انتہائی اہم میچ میں پاکستانی بلے بازوں نے انتہائی ناقص بیٹنگ کا مظاہرہ کیا اور اننگز میں 147 گیندوں پر کوئی رن اسکور نہیں کیا۔بھارت کے خلاف انتہائی اہم میچ میں بھی پاکستانی بلے باز سست روی سے بیٹنگ کرتے ہوئے وکٹیں بھی گنواتے رہے اور ڈاٹ بالز بھی کھیلتے رہے۔ بھارت کے خلاف میچ میں پاکستانی بلے باز 147 گیندوں یعنی تقریباً 25 اوورز میں کوئی رن نہ بناسکے۔ قبل ازیں چیمپیئنز ٹرافی کے افتتاحی اور اپنے پہلے میچ میں نیوزی لینڈ کے خلاف 321 رنز کے ہدف کا تعاقب کرتے ہوئے پاکستانی بلے بازوں نے 161ڈاٹ بالز کھیلی تھیں۔بھارت کے خلاف میچ کھیلتے ہوئےپہلے 6 اوورزمیں 28 ڈاٹ بال کھیل ابتدائی چھ اوورز میں زیادہ ڈاٹ بال کھیلنے کا اپنا ریکارڈ برابر کردیا۔بھارت کیخلاف پاکستانی بیٹرز نے صرف 14 چوکے لگائے جن میں سے 5 بابراعظم ، 5 سعود شکیل ، تین محمد رضوان اور ایک چوکا نسیم شاہ نے لگایا .بھارت کے خلاف میچ میں پاکستانی بلے بازوں کی کارکردگی ایک بار پھر مایوس کن رہی اور پوری ٹیم 49.4 اوورز میں 241 رنز بناسکی اور بھارت بآسانی 6 وکٹوں سے یہ میچ جیت گیا۔
