جاپان کی ایک نئی سیاسی جماعت نے اعلان کیا ہے کہ وہ پارٹی کی قیادت مصنوعی ذہانت کے حوالے کرے گی۔جنوری میں سابق میئر شنجی ایشی مارو کی قائم کردہ جماعت پاتھ ٹو ری برتھ کے پارٹی کے نئے جانشین اور کیوٹو یونیورسٹی کے 25 سالہ پی ایچ ڈی طالبعلم کوکی اوکومورا نے ایک پریس کانفرنس میں کہا کہ اب پارٹی کا نیا لیڈر اے آئی ہوگا۔واضح رہے کہ ایشی مارو نے 2024ء کے ٹوکیو گورنر کے انتخابات میں غیر متوقع طور پر دوسرا نمبر حاصل کیا تھا جس کی وجہ ان کی کامیاب آن لائن مہم تھی تاہم ایوانِ بالا کے حالیہ انتخابات میں بدترین شکست کے بعد انہوں نے پارٹی کی قیادت چھوڑ دی تھی۔پارٹی کا کوئی باضابطہ منشور موجود نہیں ہے اور اراکین کو اپنی مرضی کے مطابق ایجنڈا رکھنے کی آزادی دی گئی ہے۔اور کیوٹو کے مطابق یہ مصنوعی ذہانت اراکین کی سیاسی سرگرمیوں کو کنٹرول نہیں کرے گی بلکہ زیادہ تر تنظیمی اور انتظامی فیصلوں جیسے وسائل کی تقسیم پر توجہ دے گی۔دلچسپ بات یہ ہے کہ اوکومورا خود باضابطہ طور پر پارٹی کے نامزد لیڈر رہیں گے لیکن عملی فیصلے اے آئی کے ذریعے کیے جائیں گے۔
