حماس کا امن منصوبے پر رد عمل سامنے آنے کے بعد امریکی صدر ڈونلڈ ٹرمپ نے کہا ہے کہ حماس کے تازہ بیان سے ظاہر ہوتا ہے کہ وہ دیرپا امن کے لیے تیار ہے۔ انہوں نے زور دیا کہ اسرائیل کو فوری طور پر غزہ پر بمباری روک دینی چاہیے تاکہ یرغمالیوں کو فوری اور محفوظ طریقے سے نکالا جا سکے. کیونکہ موجودہ صورتحال میں ایسا کرنا انتہائی خطرناک ہے۔امریکی صدر ڈونلڈ ٹرمپ نے جمعہ کی شب تیز رفتار واقعات کے سلسلے کے بعد اعلان کیا کہ فلسطینی گروپ حماس ے ان کے 20 نکاتی امن منصوبے پر زیادہ تر مثبت ردعمل ظاہر کیا ہے اور یہ کہ گروپ امن کے لیے تیار ہے ٹرمپ نے کہا کہ اس وقت مذاکرات کی تفصیلات پر بات چیت جاری ہے۔ ٹرمپ نے کہا کہ یہ معاملہ صرف غزہ تک محدود نہیں بلکہ پورے مشرقِ وسطیٰ میں طویل عرصے سے مطلوب امن قائم کرنے کا ہے۔صدر ٹرمپ نے کہا کہ وہ قطر، ترکی، سعودی عرب، مصر، اردن اور دیگر کا شکریہ ادا کرتے ہیں، یہ بڑا دن ہے ہمیں بہت زیادہ مدد دی گئی۔امریکی صدر نے سوشل میڈیا پر ویڈیو پیغام بھی جاری کیا جس میں انہوں نے ان ممالک کا شکریہ اداکیا جنہوں نےاس کام کوممکن بنانےمیں مددکی۔
