حکومت سندھ نے کراچی میں سندھ الیکٹرک پاور ریگولیٹری اتھارٹی کے تحت سستی بجلی فراہم کرنے کا اعلان کردیا۔ صوبائی وزیر ناصر حسین شاہ کا کہنا ہے کہ بجلی کا نرخ کے الیکٹرک کی نسبت بہت کم ہوگا بجلی خود بنائیں گے اور ایس ٹی ڈی سی کے تحت خود ترسیل کریں گے۔سندھ حکومت نے اعلان کیا کہ کراچی میں صنعتی اور رہائشی یونٹس کو سندھ الیکٹرک پاور ریگولیٹری اتھارٹی کے ذریعے سستی بجلی فراہم کریں گے۔انہوں نے واضح کیا کہ سندھ الیکٹرک پاور ریگولیٹری اتھارٹی کی ترسیل شدہ بجلی کا نیپرا کے نرخوں سے تعلق نہیں ہوگا اور سندھ الیکٹرک پاور ریگولیٹری اتھارٹی سے ترسیل کی گئی بجلی کا نرخ نیپرا سے بہت کم ہوگا سندھ الیکٹرک پاور ریگولیٹری اتھارٹی میں لوگوں کو بھرتی کر لیا گیا ہے اور رواں ماہ اگست ہی نوٹیفکیشن جاری ہو جائے گا۔ وزیر توانائی سندھ ناصر حسین شاہ کا کہنا ہے کہ کراچی کی صنعت اور رہائشیوں کو سیپرا کے تحت سستی بجلی فراہم کی جائے گی بجلی کا نرخ کے الیکٹرک کی نسبت بہت کم ہوگا۔ انہوں نے کہا کہ ہماری کوشش ہے کہ بجلی کی پہلی ترسیل کے فور کے گرڈ کو فراہم کی جائے۔ صوبائی وزیر نے کہا کہ ہم نے سندھ اسمبلی سے سیپرا کو آئینی طور پر منظور کروا لیا ہے اب کراچی کے شہری بھی سستی بجلی حاصل کر سکیں گے تاہم ترسیلی نظام ایس ٹی ڈی سی کے پاس ہونا چاہیے۔وزیر توانائی نے کہا کہ کے الیکٹرک کے بورڈ میں سندھ کی نمائندگی نہیں ہے وفاق کے 3 ڈائریکٹر ہیں وفاق سے کہا ہے کہ ایک نمائندہ وفاق کا ہو باقی 2 سندھ سے ہونے چاہئیں۔
