امریکا کے صدر ڈونلڈ ٹرمپ نے روس کے صدر پیوٹن سے ٹیلی فون پر طویل بات چیت کی جس میں صدر پیوٹن نے امریکی ہم منصب کو آگاہ کیا ہے کہ وہ یوکرینی ہم منصب زیلنسکی سے ملاقات کے لیے تیار ہیں۔امریکی صدرڈونلڈٹرمپ کی روسی صدر پیوٹن سے ٹیلیفون پر 40 منٹ گفتگو ہوئی روسی صدرولادیمیر پیوٹن نےدوران گفتگوکہاکہ وہ یوکرینی ہم منصب سےملنے کوتیار ہیں روس اوریوکرین کےصدور کےدرمیان ملاقات اگست کے آخر میں ہونے کا امکان ہے۔صدر ٹرمپ اور صدر پیوٹن نے روس اور یوکرین کے درمیان براہ راست بات چیت کی حمایت کی جس میں دونوں ملکوں کے نمائندوں کا درجہ بڑھانے کی تجویز پر بھی آمادگی کا اظہار کیا گیا۔صدرٹرمپ نے کہا کہ امن معاہدہ ہو گیا تو امریکا یوکرین کی سلامتی کی ضمانت میں مدد کرےگا۔ پیوٹن زیلنسکی میٹنگ کے لیے انتظامات شروع کر دیے ہیں مقام کا تعین بعد میں ہوگا۔ یورپی میڈیا کے مطابق صدر ٹرمپ نے یوکرینی صدر اور یورپی رہنماؤں سے بات چیت کے دوران ہی روسی صدر کو ٹیلی فون کر دیا تھا۔واضح رہے امریکی صدر ڈونلڈ ٹرمپ کی وائٹ ہاؤس میں یوکرینی صدر وولودیمیر زیلنسکی سے اہم ملاقات ہوئی، جس میں اٹلی، فرانس اور برطانیہ کے وزراء بھی موجود تھے۔
