خیبرپختونخوا کے ضلع صوابی میں سوشل میڈیا پر خواتین کا لباس پہن کر ویڈیوز بنانے والے نوجوان کی حقیقت کھل کر سامنے آگئی صوابی میں لڑکی بن کر ٹک ٹاک بنانے والا لڑکا نکلا. پولیس نے فوری کارروائی کرتے ہوئے ٹک ٹاکر کو گرفتار کر لیا۔ترجمان پولیس لیاقت علی نے میڈیا سے گفتگو کے دوران بتایا کہ ٹک ٹاکر عبدالمغیز مختلف پوز بنا کر اور لڑکی کے روپ میں نازیبا ویڈیوز تیار کر کے سوشل میڈیا پر شیئر کر رہا تھا جن میں وہ مختلف پوز اور انداز میں خود کو لڑکی ظاہر کرتا تھا۔ترجمان کے مطابق، یہ ویڈیوز سوشل میڈیا پر تیزی سے وائرل ہو رہی تھیں اور عوامی حلقوں میں سخت تشویش اور بے چینی پیدا ہو رہی تھی۔ مقامی لوگوں کی شکایات پر چوکی بامخیل کے انچارج عامر خان نے فوری کارروائی کرتے ہوئے عبدالمعیز کو حراست میں لے لیا۔ ملزم عبدالمغیز کو گرفتار کر کے مقدمہ درج کردیا۔پولیس ترجمان کا مزید کہنا تھا کہ ملزم نےگرفتاری کے بعد اعتراف جرم کرتے ہوئے آئندہ ایسی غیراخلاقی سرگرمیوں سے باز رہنے کا وعدہ کیا ہے۔صوابی پولیس کے مطابق سوشل میڈیا پر اخلاقیات اور مقامی روایات کے منافی مواد پھیلانے والوں کے خلاف سخت کارروائی جاری رہے گی اور ایسے افراد کو کسی صورت برداشت نہیں کیا جائے گا۔
