ایک انٹرویو میں عامر خان نے بتایا کہ 2002 میں رینا سے طلاق کے بعد وہ شراب اور ڈپریشن کے سیاہ دور سے گزرے۔ یہ سب کچھ اس وقت ہوا جب وہ لگان کی کامیابی کے بعد مین آف دی ایئر کے طور پر سراہا جا رہے تھے۔بالی ووڈ سپر اسٹار عامر خان ہمیشہ اپنی ذاتی زندگی کو نجی رکھتے تھے لیکن ایک موقع پر انہوں نے اپنی زندگی کے سب سے تاریک مرحلے کے بارے میں کھل کر بات کی جس میں انہوں نے اپنی پہلی بیوی رینا دتہ سے علیحدگی پر ردعمل دیا.انہوں نے کہا کہ حالانکہ ان کی فلم لگان کی کامیابی کے باوجود وہ خود کو کھویا ہوا اور ٹوٹا ہوا محسوس کرتے تھے انہوں نے اس دور کو اپنی زندگی کا سب سے تاریک مرحلہ قرار دیا۔عامر نے ایک پچھلے انٹرویو میں کافی ود کرن پر کہا تھا رینا اور میں 16 سال تک شادی شدہ رہے۔ جب ہم الگ ہوئے تو یہ ہمارے لیے اور ہمارے خاندانوں کے لیے ایک تکلیف دہ مرحلہ تھا۔ ہم نے اس صورتحال کو جتنا ممکن ہو سکے بہتر طریقے سے نمٹنے کی کوشش کی۔عامر اور رینا کی محبت کی کہانی پڑوسی ہونے سے شروع ہوئی تھی۔ وہ ایک دوسرے کو اپنی کھڑکیوں سے دیکھتے تھے اور عامر نے رینا کو متاثر کرنے کے لیے اپنے خون سے ایک خط لکھا تھا۔ابتدا میں رینا نے انکار کیا تھا لیکن بعد میں ہاں کہا اور دونوں نے خفیہ طور پر شادی کرلی .دونوں کی شادی 16 سال تک رہی اور ان کے دو بچے، جنید اور ایرا ہیں.رینا سے طلاق کے بعد، عامر خان نے 2005 میں فلم ساز کرن راؤ سے شادی کی تھی اور دونوں کا ایک بیٹا، آزاد، ہے۔ تاہم 2021 میں دونوں نے 16 سال کی شادی کے بعد علیحدگی کا اعلان کیا۔عامر خان اس وقت اپنی 20 سال پرانی دوست گوری اسپرٹ کے ساتھ تعلق میں ہیں اور اپنی سابقہ بیویوں کے ساتھ اچھے تعلقات برقرار رکھتے ہوئے اپنے بچوں کی مشترکہ پرورش کر رہے ہیں۔
