انسداد دہشتگردی راولپنڈی نے 26 نومبر احتجاج کےحوالے سے تھانہ صاق آباد کے کیس میں علیمہ خان کے وارنٹ گرفتاری جاری کردئیے۔انسداد دہشتگردی راولپنڈی نے 26 نومبر احتجاج کےحوالے سے تھانہ صاق آباد کے کیس میں علیمہ خان کو گرفتار کر کے انہیں بدھ کو عدالت پیش کرنے کا حکم دیا ہے۔واضح رہے کہ تھانہ صادق آباد احتجاج کیس میں علیمہ خان پر فرد جرم عائد ہونا تھی تاہم علیمہ خان عدالت میں پیش نہیں ہوئیں جس پر عدالت نے حاضری معافی کی درخواست مسترد کردی اور وارنٹ گرفتاری جاری کرتے ہوئے علیمہ خان کو گرفتار کرکے کل بدھ 15 اکتوبر کو عدالت میں پیش کرنے کا حکم دیا۔پولیس ذرائع کا اس حوالے سے کہنا ہے کہ ناقابل ضمانت وارنٹ گرفتاری کے ساتھ پولیس ٹیم اڈیالہ جیل جائے گی۔ علیمہ خان توشہ خانہ ٹو کیس کی سماعت کے لیے اڈیالہ جیل پہنچ رہی ہیں۔ جیل سماعت کے بعد علیمہ خان کی گرفتاری یا وارنٹ گرفتاری کی تعمیل کرائی جائے گی۔عدالت نے ریمارکس دیے کہ طلبی کے باوجود بار بار پیش نہ ہونا عدالتی امور میں رکاوٹ ڈالنا ہوتا ہے۔عدالت نے ناقابل ضمانت وارنٹ گرفتاری کے آرڈرز فوری تفتیشی آفیسر کو فراہم کرنے کا حکم دیا۔
