وزیر اعلیٰ خیبر پختونخوا علی امین گنڈاپور نے ایک بار پھر ستمبر میں پشاور میں جلسہ کرنے کا اعلان کیا۔ انہوں نے یہ اعلان اپنے ایک ویڈیو پیغام میں کیا۔علی امین گنڈاپور نے کہا کہ بانی پی ٹی آئی عمران خان نے ستمبر میں پشاور میں جلسہ کرنے کی ہدایت کی ہےانہوں نے کہا کہ جلسے کو پاکستان کی تاریخ کا یادگار جلسہ بنانا ہو گا۔ ہم نے مخالفین اور پوری دنیا کو پیغام دینا ہے کہ عوام کیا چاہتی ہے۔ جلسے کی تاریخ کا اعلان جلسے سے 5 روز قبل کروں گا۔ تاکہ لوگوں کو تیاری کا موقع مل سکے۔انہوں نے کہا کہ حقیقی آزادی اور آئین و قانون کی بالادستی کے لیے جلسہ ہو گا۔ ہم حق کی جنگ لڑ رہے ہیں جلسے میں سب کو شرکت کرنا ہو گی۔انہوں نے کہا کہ وہ خود پشاور جلسے کی میزبانی کریں گے ۔ اور سب جلسے میں اپنی شرکت کو یقینی بنائیں۔وزیر اعلیٰ خیبر پختونخوا نے کہا کہ بانی پی ٹی آئی عمران خان کی شروع کی گئی حقیقی آزادی کی جنگ کامیاب ہو گی۔
