امریکی صدر ڈونلڈ ٹرمپ نے کہا ہے کہ غزہ پر مذاکرات کیلئے ایک اور امریکی ٹیم روانہ ہو گئی. انہوں نےکہا کہ مجھے لگتا ہے کہ مشرق وسطیٰ میں امن کا امکان موجود ہے۔ٹرمپ نے کینیڈا کے وزیرِاعظم مارک کارنی کے ہمراہ اوول آفس میں بات کرتے ہوئے کہا کہ ہم یقیناً غزہ کے بارے میں بات کریں گے ہم بہت سنجیدہ مذاکرات میں مصروف ہیں.ٹرمپ نے کہا کہ دنیا کے تمام ممالک نے ان کے 20 نکاتی غزہ منصوبے کی حمایت کی ہے جس میں غزہ میں موجود تمام اسرائیلی قیدیوں کی رہائی کے بدلے فلسطینی قیدیوں کی رہائی، جنگ بندی، حماس کا غیر مسلح کیا جانا اور غزہ کی دوبارہ تعمیر شامل ہے۔انہوں نے مزید کہا کہ مجھے لگتا ہے کہ مشرقِ وسطیٰ میں قیام امن کا امکان موجود ہے. یہ صرف غزہ کے معاملے سے بھی آگے کی بات ہے ہم یرغمالیوں کی فوری رہائی چاہتے ہیں اور اسی لیے ہماری ایک ٹیم وہاں موجود ہے جب کہ ایک اور ٹیم ابھی روانہ ہوئی ہے۔
