ڈپٹی کمشنر لاہور نے پی ٹی آئی کی مینارپاکستان پرجلسے کی درخواست مسترد کردی ہے۔ نیوز ویلی کے مطابق انتظامیہ نے ضلعی انٹیلی جنس کمیٹی کی تجاویز کو مدنظر رکھ کر فیصلہ کیا، جاری نوٹی فکیشن کے مطابق سیکیورٹی خدشات پر پی ٹی آئی کو جلسے کی اجازت نہیں دی جاسکتی۔نوٹی فکیشن میں کہا گیا ہے کہ 8 فروری کو لاہور میں اہم ایونٹس کا سلسلہ جاری ہوگا ایونٹس میں کرکٹ میچ، کیٹل شو، اسپیکر کانفرنس شامل ہیں۔ نوٹی فکیشن کے مطابق پاکستان تحریک انصاف کا سابقہ ٹریک ریکارڈ غیر مناسب ہے 9 مئی واقعات کے باعث پی ٹی آئی کو اجازت نہیں دی جا سکتی۔واضحرہے کہ پی ٹی آئی نے 8 فروری کو عام انتخابات میں مبینہ دھاندلی کے خلاف ملک بھر میں یوم سیاہ منانے کا اعلان کیا ہے اس سلسلے میں مینار پاکستان پر پی ٹی آئی نے جلسے کا بھی اعلان کر رکھا ہے جس کے لیے انتظامیہ کو درخواست دی جاچکی ہے۔ یاد رہے کہ جمعرات کے روز لاہور ہائی کورٹ نے انتظامہ کو جلسے کے حوالے سے شام تک فیصلہ کرنے کا حکم دیا تھا 
