مجلس وحدت مسلمین کا ملک بھر میں احتجاج ختم کرنے کا اعلان کے بعد کراچی میں چار مقامات پر دھرنے ختم کرکے سڑکیں کھول دی گئیں جن میں نمائش، انچولی،عباس ٹاؤن اور کامران چورنگی گلستان جوہر شامل جبکہ شہر کے دس مقامات پر جماعت اہلسنت کے دھرنے جاری ہیں ٹریفک پولیس کے مطابق شہر میں ٹریفک معمول کے مطابق رواں دواں ہے، شہر کی کسی بھی سڑک پر کوئی احتجاجی کیمپ یا رکاوٹ موجود نہیں ہے۔دوسری جانب اہلسنت والجماعت کی جانب سے 10 مقامات پر احتجاجی دھرنے جاری ہیں۔اہلسنت والجماعت کے کارکنان لسبیلہ چوک، ناگن چورنگی، اورنگی ٹاؤن پونے 5 نمبر، شیر شاہ چوک، ٹاور، برنس روڈ، قیوم آباد، کورنگی نمبر 5، قائد آباد اور لیاقت آباد پر سڑک کے کنارے بیٹھے ہیں۔ٹریفک پولیس کے مطابق دھرنے کے شرکاء سڑک کے ایک کنارے پر موجود ہیں، ٹریفک کی روانی متاثر نہیں ہو رہی۔
