امریکی صدر ڈونلڈ ٹرمپ نے گولڈ کارڈ ویزا پروگرام کی نقاب کشائی کر دی۔ٹرمپ نے یہ بھی اعلان کیا کہ وہ گولڈ کارڈ ویزا فروخت کرنا شروع کریں گے جو جانچ پڑتال کے بعد 10 لاکھ ڈالر میں امریکی شہریت کا موقع فراہم کرے گا۔امریکہ کے وزیر تجازت ہاورڈ لٹنک کے مطابق گولڈ کارڈ کے منصوبے کے تحت امریکیوں کے لیے ملازمت کے مواقع فراہم کرنے والے غیر ملکی سرمایہ کاروں اور کاروباری شخصیات کو ہی امریکی شہرت حاصل کرنے کی اجازت دے گا۔امریکی صدر ڈونلڈ ٹرمپ نے گولڈ کارڈ ویزا پروگرام کے لیے ایک ایگزیکٹو آرڈر پر دستخط کیے جس کی فیس انفرادی طور پر 10 لاکھ امریکی ڈالرز جبکہ کاروبار کے لیے 20 لاکھ امریکی ڈالرز رکھی گئی ہے۔واضح رہے کہ دریں اثناء امیگریشن محدود کرنے کے لیے امریکی صدر نےایچ ون بی ورکر ویزا کے لیے سالانہ ایک لاکھ ڈالر فیس مقرر کر دی ہے جس سے ٹیکنالوجی کمپنیوں کو بڑا جھٹکا لگنے کا امکان ہے کیونکہ یہ کمپنیاں بھارت اور چین سے ٹیکنالوجی ماہرین کو امریکا میں ملازمت فراہم کرتی ہیں۔ٹرمپ نے ایگزیکٹو آرڈر پر دستخط کرتے ہوئے امید ظاہر کی کہ مذکورہ پروگرام کامیاب ہوگا۔ اس اقدام سے ٹیکس کم اور قومی قرضوں کی فوری ادائیگی ممکن ہوسکے گی۔
