ٹک ٹاک میں کمیونیٹی جیسے ایک فیچر فٹ نوٹس کو متعارف کرانے کا اعلان کیا گیا ہے۔ٹک ٹاک کے مطابق اس نئے فیچر سے صارفین اس پلیٹ فارم میں موجود مواد میں متعلقہ تفصیلات کا اضافہ کرسکیں گے۔کمیونٹی نوٹس ایسا فیچر ہے جس کا آغاز سوشل پلٹ فارم ایکس میں سب سے پہلے سامنے آیا تھا جس کے بعد اسے دیگر سوشل میڈیا نیٹ ورکس کا حصہ بنایا گیا۔ ٹک ٹاک پر یہ فیچر سب سے پہلے امریکا میں متعارف کرایا جا رہا ہے اور امریکی صارفین فٹ نوٹس کنٹری بیوٹر بننے کے لیے اپلائی کرسکتے ہیں۔کمپنی کے مطابق فٹ نوٹس ایسا رینکنگ سسٹم ہے جو اس اوپن سورس سسٹم سے متاثر ہے جو دیگر پلیٹ فارمز استعمال کر رہے ہیں۔ایسے افراد کے لیے چند شرائط کو عائد کیا گیا ہے جیسے وہ ٹک ٹاک کو 6 ماہ سے زائد عرصے سے استعمال کر رہے ہوں ان کی عمر 18 سال یا اس سے زائد ہو اور گزشتہ 6 ماہ کے دوران کمیونٹی گائیڈلائنز کی خلاف ورزی نہ کی ہو۔ٹک ٹاک نے بتایا کہ اس فیچر کی آزمائش امریکا میں مختصر ویڈیوز کے لیے کی جائے گی اور آنے والے مہینوں میں کنٹری بیوٹرز بننے کے لیے لوگوں کو عام رسائی دی جائے گی۔
