قومی کرکٹ ٹیم کی سلیکشن میں کپتان اور ہیڈ کوچ کے اختیار کو ختم کردیا گیا.بورڈ نے گزشتہ ہفتے 7 سلیکٹرز کے ساتھ کمیٹی میں 4 نان ووٹنگ اراکین کو بھی شامل کیا تھا.ذرائع پی سی بی کے مطابق پندرہ رکنی اسکواڈ اور پلیئنگ الیون کے فیصلے صرف پانچ رکنی سلیکشن کمیٹی کرے گی، ہیڈ کوچ اور کپتان کی رائے لی جائے گی، حتمی فیصلہ سلیکٹرز کا ہی ہو گا۔بورڈ کے مطابق سلیکشن کمیٹی کے 5 اراکین میں عاقب جاوید، علیم ڈار، اسد شفیق، اظہر علی اور حسن چیمہ شامل ہیں جب کہ پی سی بی نے نان ووٹنگ اراکین بھی ختم کردیے ہیں۔ذرائع کا کہنا ہےکہ پلیئنگ الیون میں بھی سلیکٹرز کا کردار بڑھا دیا گیا ہے جس کے پیش نظر سلیکٹرز کوچ اور کپتان سے مشاورت کرکے ٹیم کا اعلان کریں گے، سلیکٹرز ہی پلیئنگ الیون کو کوچ اور کپتان کی مشاورت سے حتمی شکل دیں گے۔
