کراچی کے علاقے ڈیفنس میں بینک کے لاکر سے شہری کا 10 کروڑ روپے مالیت کی جیولری اور دیگر سامان چوری کرلیا گیا متاثرہ شہری نے بتایا کہ وہ جولائی 2010ء سے لاکر آپریٹ کررہا ہے اور اب تک مختلف وقتوں میں ڈائمنڈ سیٹ، گولڈ سیٹ، برانڈڈ گھڑیاں اور غیر ملکی کرنسی لاکر میں رکھتا رہا ہے.درخشاں کے رہائشی شہری نے 6 فروری کو لاکر استعمال کیا جب 19 فروری کو دوبارہ بینک پہنچا تو لاکر کا بکس ہی مکمل طور پر غائب تھا واقعے کا مقدمہ درج کرلیا گیا ہے۔فوری طور پر بینک کے عملے کو آگاہ کیا گیا جب تلاش شروع کی گئی تو زیورات کے خالی پاؤچز بینک کی چھت کی فالزسیلنگ سے ملے۔متاثرہ شہری نے واقعے سے متعلق درخشاں تھانے میں ایف آئی آر درج کرادی ہے اس کے ساتھ ایف آئی اے اور اسٹیٹ بینک کو بھی خط لکھ دیے ہیں۔اس سلسلے میں ایس ایس پی انویسٹی گیشن ساؤتھ علی حسن نے بتایا کہ متاثرہ شہری سے واقعے کی تمام تر تفصیلات حاصل کرلی گئی ہیں جبکہ بینک کے عملے سے بھی پوچھ گچھ کی جارہی ہے
