چیف میٹرولوجسٹ سردار سرفراز کے مطابق کراچی میں جاری سردی کی لہر 17 جنوری تک جاری رہنے کا امکان ہے۔کراچی میں گزشتہ 7،6 دن سے درجہ حرارت 9 سے 10 سینٹی گریڈ رہا ہے، آج کراچی میں دن میں بھی زیادہ سے زیادہ درجہ حرارت 24 سے 25 رہنےکا امکان ہے۔ سردار سرفراز نے بتایا کہ شہر میں دوپہرکے بعد تیز ہوائیں چلنے کا امکان ہے اور سردی کی موجودہ لہر 17 جنوری تک جاری رہنے کی توقع ہے۔جبکہ بلوچستان کے بیشترعلاقوں میں 20 جنوری کے بعد بارش کا امکان ہے اور خیبرپختونخوا کے بالائی علاقوں، آزاد کشمیر اورگلگت بلتستان میں بارش اوربرف باری کا امکان ہے۔
