کپڑے وقت پر نہ دینے پر شہری نے دکاندار کے خلاف ایک لاکھ روپے ہرجانے کے لئے کنزیومر پروٹیکشن کورٹ ساؤتھ کراچی سے رجوع کر لیا۔عدالت نے دکان کے مالک کو نوٹس جاری کردیے۔درخواست گزار نے مؤقف اپنایا ہے کہ دکان کے مالک نے 20 فروری کو کپڑے تیار کر کے دینے کا وعدہ کیا تھا مختلف اوقات میں دکان گیا لیکن کپڑے تیار کر کے نہیں دیے گئے۔کپڑے وقت پر نہ ملے تو بھائی کی منگنی کے لیے دوسرا لباس خریدنا پڑا۔درخوست گزار نے عدالت میں استدعا کی کہ وعدہ پورا نہ کرنے پر 50 ہزار اور ذہنی اذیت پر 50 ہزار روپے جرمانہ عائد کیا جائے۔
