پنجاب کے ضلع گجرات میں 577 ملی میٹر کی ریکارڈ بارش نے تباہی مچادی برساتی نالے بپھر گئے کئی دیہات ڈوب گئے۔اربن فلڈنگ سےشہری علاقوں میں پانی کھڑا ہوگیا جبکہ ڈسٹرکٹ جیل اور احاطہ سیشن کورٹ میں بھی بارش کا پانی داخل ہوگیا۔کئی قیدیوں کو لاہور اور گوجرانوالہ جیل منتقل کیا گیا۔انتظامیہ نے ضلع بھر کے تعلیمی ادارے بند رکھنے کا اعلان کر دیا پانی کی نکاسی کے لیے گوجرانوالہ سے بھی مشینری اور گاڑیاں بھجوا دی گئیں۔جلال پور جٹاں میں 2 منزلہ خالی عمارت گر گئی سیلاب سے عمارت کی بنیادیں کمزور ہوگئی تھیں۔کمشنر گوجرانوالہ نے بتایا کہ مدینہ سیداں کے قریب حفاظتی بند باندھ کر پانی کو برساتی نالے میں موڑا جا رہا ہے پانی کی نکاسی کے لیے گوجرانوالہ سے بھی مشینری،گاڑیاں بھجوائی گئی ہیں۔یاد رہے کہ موسمیاتی تبدیلیوں کی وجہ سے شدید بارشیں، زلزلے، سیلاب اور لینڈ سلائیڈنگ کے خطرات میں اضافہ ہو رہا ہے پاکستان قدرتی آفات سے متاثر ہونے والا بڑا ملک ہے۔
