یوٹیوب نے ویڈیو شارٹس بنانے کے لیے حال ہی میں مصنوعی ذہانت کا ایک نیا فیچر شامل کیا ہے.اس نئے ویڈیو جنریشن ماڈل سے مصنوعی ذہانت سے ویڈیوز کلپس تیار کی جا سکیں گیں جنہیں یوٹیوب شارٹس ویڈیوز میں شامل کیا جا سکے گا۔یوٹیوب کی جانب سے بلاگ پوسٹ میں بتایا گیا کہ گوگل کے ڈیپ مائنڈ ویو 2 اے آئی ماڈل کو ڈریم اسکرین فیچر کے ساتھ ضم کیا جارہا ہے۔قبل ازیں ڈریم اسکرین پہلے صرف تخلیق کاروں کو اے آئی کا استعمال کرتے ہوئے ویڈیو پس منظر یا بیک گراؤنڈ شامل کرنے کی اجازت دیتا تھ تاہم اب یوٹیوب شارٹس میں بھی اے آئی سے تیار کردہ ویڈیوز بنائی جا سکیں گی۔نئے ویڈیو جنریشن ماڈل سے مصنوعی ذہانت سے ویڈیوز کلپس تیار کی جا سکیں گی جنہیں یوٹیوب شارٹس ویڈیوز میں شامل کیا جا سکے گا۔کمپنی کا کہنا ہے کہ اس فیچر کا مقصد پلیٹ فارم پر تخلیق کاروں کو فوٹیج بنانے میں مدد فراہم کرنا ہے۔ویو2 ٹول ایک ٹیکسٹ ٹو ویڈیو جنریٹر ہے لہٰذا صارفین آسانی سے لکھ کر وہ ویڈیو تخلیق کرواسکیں گے.ڈیپ مائنڈ کا دعویٰ ہے کہ ویو 2 سے تیار کردہ ویڈیوز حقیقت سے زیادہ قریب ہیں۔ویو 2 کو دسمبر 2024 میں متعارف کروایا گیا جو ویو اے آئی ماڈل کا جدید ورژن ہے۔ 
