پاکستانی گلوکار اور انٹرنیٹ پر شہرت پانے والے فنکار چاہت فتح علی خان کو انگلینڈ میں ایک عوامی ایونٹ کے دوران انڈوں سے نشانہ بنایا گیا۔ واقعہ اس وقت پیش آیا جب وہ لندن میں ایک پراٹھا اسٹاپ پر منعقدہ تقریب میں شریک تھے۔چاہت فتح علی خان جو اپنی منفرد گائیکی اور انٹرنیٹ پر وائرل ویڈیوز کے باعث مشہور ہیں برطانیہ میں اپنے فینز کے ساتھ ملاقات کے لیے مختلف ایونٹس میں شریک ہو رہے ہیں۔عینی شاہدین کے مطابق مداح ان کے ساتھ تصاویر بنا رہے تھے کہ اسی دوران چند افراد نے اچانک ان پر انڈے برسانے شروع کر دیے۔ واقعے کی ویڈیو وائرل ہوگئی ۔سوشل میڈیا صارفین نے اس واقعے کو افسوسناک قرار دیا ہے۔
