عمران خان کے وکیل خالد یوسف چوہدری نے علی امین گنڈا پور اور بیرسٹر گوہرسے ملاقات کی اندرونی کہانی بتاتے ہوئے کہاہے کہ عمران خان نے مذاکرات کےلیے حامی بھرلی ہے۔تاہم عمران خان نے کہا کہ مذاکرات ان سے ہی ہوں گے جن کے پاس پاور ہے۔ ان کے مطابق علی امین گنڈاپور اور بیرسٹر گوہر اجازت لینے آئے تھےکہ اگر رابطہ ہوتا ہے تو کیا مذاکرات کیے جائیں.خالد یوسف کے مطابق بانی پی ٹی آئی نے اپنے مطالبات پر بات چیت کی اجازت دیتے ہوئے کہا کہ 24 نومبر کا احتجاج تب ہی ختم ہوگا جب مطالبات تسلیم کیے جائیں گے۔ انہوں نے بتایا کہ علی امین گنڈاپور نے احتجاج کی تیاریوں سے متعلق بانی پی ٹی آئی عمران خان کو آگاہ کیا۔
