ایپٹیرا نامی کمپنی کی سولر ٹیکنالوجی پر کام کرنے والی گاڑی جلد ہی فروخت کے لئے دستیاب ہوگی .کمپنی کا دعویٰ ہے کہ روزانہ یہ گاڑی سورج کی روشنی سے اتنی توانائی اکٹھی کرلیتی ہے کہ 40 میل تک آسانی سے سفر کر سکتی ہے۔3 پہیوں کی اس گاڑی میں یہ خیال رکھا گیا ہے کہ اس کا وزن کم از کم ہو یہی وجہ ہے کہ اس کے ڈیزائن میں اس بات کو یقینی بنایا گیا ہے کہ ہوا کی رگڑ 70 فیصد تک کم ہو جائے۔یپٹیرا نامی کمپنی کی سولر ٹیکنالوجی پر کام کرنے والی گاڑی کو کافی حد تک بجلی سے چارج کرنے کی ضرورت نہیں۔سولر ای وی نامی گاڑی کی تیاری کا بنیادی مقصد ہی شمسی توانائی سے لیس گاڑیوں کے لیے بجلی سے چارجنگ کی ضرورت ختم کرنا ہے۔اس کی سطح پر لگ بھگ ہر جگہ سولر پینل نظر آتے ہیں جو مجموعی طور پر 700 واٹس توانائی سورج کی روشنی سے اکٹھی کرتے ہیں۔ گاڑی میں ایک 45 کلو واٹ بیٹری بھی موجود ہے جو بجلی سے چارج کرنے پر سواری کو چلنے میں مدد فراہم کرتی ہےکمپنی کے مطابق اس چھوٹی بیٹری کو آرام سے گھر کے کسی بھی پوائنٹ سے چارج کیا جاسکتا ہے اور فل چارج ہونے پر 400 میل تک سفر کی سہولت فراہم کرتی ہے۔یہ گاڑی 6 سیکنڈ کے اندر صفر سے 60 میل فی گھنٹہ کی رفتار پکڑ لیتی ہے.ابھی یہ گاڑی باضابطہ طور پر فروخت کے لیے پیش نہیں کی گئی بلکہ پری آرڈرز میں دستیاب ہے اور اس کی قیمت 40 ہزار ڈالرز رکھی گئی ہے۔
