جنوبی کوریا کے 43 سالہ معروف گلوکار وی سنگ چل بسے۔گلوکار کی ایجنسی نے بیان میں کہا ہے کہ وی سنگ کو گھر میں دل کا دورہ پڑا جو جان لیوا ثابت ہوا ان کا انتقال فیملی، دوستوں اور انڈسٹری کیلئے بڑا نقصان ہے۔کورین میڈیا کے مطابق 43 سالہ معروف گلوکار کا انتقال دارالحکومت سیؤل میں ہوا۔ رپورٹس میں کہا گیا ہےکہ گلوکار کے گھر سے کال آنے کے بعد پولیس اور ریسکیو عملہ گھر پہنچا تو وہ انتقال کرچکے تھے۔پولیس نے گلوکار کی موت کی وجوہات جاننے کیلئے تحقیقات شروع کردی ہیں. واضح رہے کہ وی سنگ نہ صرف ایک گلوکار بلکہ گیت نگار، ڈانسر اور تھیٹر اداکار بھی تھے، انہوں نے اپنے کئی مشہور گانوں کی دھنیں اور بول خود تحریر کیے تھے جنہوں نے انہیں شہرت کی بلندیوں تک پہنچایا۔کورین ایک اور معروف گلوکار کانگ چانگ مو نے 15 مارچ کو ہونے والا کنسرٹ بھی منسوخ کردیا۔ اس کنسرٹ میں ان کے ساتھ وی سنگ کو بھی پرفارم کرنا تھا۔
