عالمی وباء کوویڈ 19 کی پیش گوئی کرنے والے برازیلین علم نجوم کے ماہر نے دعویٰ کیا ہے کہ غیر مرئی جنگ چھڑ چکی ہے جلد تیسری جنگِ عظیم شروع ہونے والی ہے۔کوویڈ 19 ملکہ الزبتھ دوم کی موت اور یوکرین پر روسی حملے جیسے واقعات کی درست پیش گوئی کرنے والے برازیلین نجومی نے زور دیا کہ علامات پر توجہ دیں۔غیر ملکی میڈیا رپورٹس کے مطابق برازیل سے تعلق رکھنے والے ایتھوس سلومی نامی نجومی نے آنے والے عالمی بحران کے بارے میں خبردار کیا ہے اور دعویٰ کیا ہے کہ حالیہ جغرافیائی سیاسی واقعات تیسری جنگِ عظیم کے بڑھتے ہوئے خطرے کی نشاندہی کرتے ہیں۔اس کا کہنا ہے کہ گزشتہ کئی ماہ سے جاری مختلف واقعات بظاہر الگ الگ دکھائی دیتے ہیں لیکن اگر باغور جائزہ لیا جائے تو یہ تمام واقعات ایک دوسرے سے جڑے ہوئے ہیں۔ان کا کہنا ہے کہ حالیہ واقعات نے نیٹو کو خطے میں سیکیورٹی سخت کرنے اور یورپی یونین کو اہم انفرااسٹرکچر کی حفاظت کے لیے ہنگامی پروٹوکول تیار کرنے پر مجبور کر دیا ہے۔38 سالہ ایتھوس سلومی کو موجودہ دور کا نوسٹراڈیمس بھی کہا جاتا ہے جن کے مطابق دنیا ایک بڑے تنازع کے دہانے پر کھڑی ہے تخریب کاری اور ہائبرڈ جنگ پہلے ہی شروع ہو چکی ہے۔
