کراچی میں سڑکوں گلیوں اور تجارتی مراکز میں گاڑیاں دھونے کے لیے لائن کا پانی استعمال کرنے پر جرمانے کی قرارداد منظور کرلی گئی۔ کے ایم سی کونسل کے اجلاس میں میئر کراچی مرتضی وہاب نے پانی کے ضیاع پر 10 ہزار روپے جرمانے کی تجویز دی اور کہا یوسی چیئرمین کی شکایات پر جرمانے ہوں گےرقم یوسی میں ہی لگے گی۔سٹی کونسل اجلاس میں سڑکوں اور گلیوں میں گاڑیاں دھونے کیلئے لائن کا ہانی استعمال کرنے پر جرمانے کی قرارداد سمیت 11 قرارداد پیش کی گئی ہیں۔اپوزیشن لیڈر سیف الدین ایڈووکیٹ نے کہا کہ آج شہر میں پانی نہیں، میئر 2050ء کا پلان بنا رہے ہیں، کے فور منصوبہ 20 ارب روپے سے 200 ارب روپے تک پہنچ گیا، ایم ڈی واٹر کارپوریشن کہتے ہیں کے فور منصوبہ 2027 میں مکمل ہوگا۔سیف الدین ایڈووکیٹ نے کہا کہ منصوبہ بندی کے تحت شہر میں پانی کی لائنیں توڑی جا رہی ہے، 84 انچ کی لائن 8 ماہ میں 6 بار ٹوٹ چکی ہے، ایس بی سی اے شہر میں غیر قانونی مافیا کی سرپرست ہے میئر کراچی مترضیٰ وہاب نے کہا کہ آئندہ ہفتے صرف پانی پر اجلاس ہوگا۔
