محکمہ موسمیات کے مطابق بارشوں کا سلسلہ جمعہ سے دادو سے شروع ہوگا سکھر، عمر کوٹ، تھر پارکر، بدین ، سجاول ، کراچی، میر پور خاص، لاڑکانہ، نواب شاہ، شکار پور اور جیکب آباد میں بادل برسنے کا امکان ہے۔کراچی میں ہفتہ سے مون سون کا تیسرا اسپیل شروع ہوگا جس کے زیر اثر شہر قائد میں ہلکی سے درمیانی شدت کی بارش متوقع ہے۔علاوہ ازیں جنوبی پنجاب، خیبر پختونخوا، بلوچستان اور گلگت بلتستان میں مزید بارشوں کا امکان ہے۔محکمہ موسمیات کے مطابق آج جمعه کے روز ملک کے بیشتر علاقوں میں موسم گرم اور شدید حبس رہنے کا امکان ہے۔ تاہم کشمیر، شمال مشرقی پنجاب، خطہ پوٹھوہار اور بالائی خیبر پختونخوا میں چند مقامات پر تیز ہواؤں اور گرج چمک کے ساتھ بارش کی توقع ہے۔واضح رہے کہ ملک بھر میں شدید مون سون بارشوں اور سیلابی کی تباہ کاریاں جاری ہیں رپورٹ کے مطابق 26 جون تا 17 جولائی 178 افراد جاں بحق، 491 زخمی ہوئے، سب سے زیادہ پنجاب میں 103 افراد جاں بحق، 385 زخمی ہوئے، خیبرپختونخوا میں 38 افراد جاں بحق اور57 زخمی ہوئے۔
