سابق امریکی صدر جوبائیڈن کی بیٹی ایشلی بائیڈن نے 13 سال بعد اپنے شوہر پلاسٹک سرجن ڈاکٹر ہوورڈ کرین سے راہیں جدا کرنے کا فیصلہ کرلیا ہے۔امریکی میڈیا کے مطابق 44 سالہ ایشلی بائیڈن نے شوہر سے علیحدگی کے لیے عدالت سے رجوع کرلیا ہے۔ایشلی بائیڈن نے عدالتی کارروائی سے کچھ دیر پہلے اپنے انسٹاگرام اکاونٹ سے ایک پوسٹ شیئر کی تھی جس میں ایک مرد اور خاتون نے ہاتھ پکڑ رکھا تھاجس سے اندازہ لگایا جارہا ہے کہ وہ ہاتھ انکے شوہر اور انکی گرل فرینڈ کا ہے تاہم کچھ دیر بعد انہوں نے وہ پوسٹ ہٹا دی۔واضح رہے کہ ایشلی بائیڈن اور ڈاکٹر ہوورڈ کرین کی شادی 2012 میں ہوئی تھی۔امریکی میڈیا کا کہنا ہے کہ ایشلی بائیڈن کی سوشل میڈیا اسٹوری اور طلاق کے لیے دائر درخواست کے حوالے سے ڈاکٹر ہوورڈ کرین سے مؤقف لینے کی کوشش کی گئی تاہم انہوں نے انکار کردیا۔
