چیئرمین پی ٹی آئی بیرسٹر گوہر نے علیمہ خان کے بیٹوں کی گرفتاری کو افسوس ناک قرار دیتے ہوئے کہا ہے کہ سیاسی رہنماؤں کے اہل خانہ کو نشانہ بنانا غیر جمہوری رویہ ہے ایسے اقدامات سیاسی و سماجی ماحول کو مزید کشیدہ کرتے ہیں۔انہوں نے کہا کہ کہ جب ہم کوشش کر رہے ہیں کہ تناؤ ختم ہو تو گرفتاریاں شروع ہو جاتی ہیں۔انہوں نے مزید کہا کہ بانیٔ پی ٹی آئی عمران خان کو آئیسولیٹ کیا جا رہا ہے اِنہیں اخبار نہیں دیے جا رہے اِن حرکتوں سے عوام میں نفرت میں اضافہ ہو گا۔اپنے بیان میں انہوں ںے حکومت اور اداروں سے سنجیدگی و تحمل کا مظاہرہ کرنے کا مطالبہ کیا اور کہا کہ ملک کے حالات پہلے ہی نازک ہیں ان میں مزید بگاڑ پیدا نہ کیا جائے ہم اپیل کرتے ہیں کہ اس طرح کے رویے نہ اپنائے جائیں تاکہ حالات بہتر ہوسکیں۔انہوں نے کہا کہ سیاسی استحکام کے لیے تمام اسٹیک ہولڈرز کو مثبت کردار ادا کرنا ہوگا۔
