فرانسیسی وزیراعظم فرانسوا بائرو پارلیمنٹ سے اعتماد کا ووٹ لینے میں ناکام ہوگئےجس کے بعد ان کی حکومت ختم ہوگئی یہ فرانس کی جمہوری تاریخ میں تیسری بار ہے کہ حکومت عدم اعتماد کے باعث گر گئی ہے۔فرانس کے وزیر اعظم 364 ارکان پارلیمنٹ کے مقابلے میں صرف 194 ارکان کا ووٹ حاصل کرسکے۔وزیراعظم بائرو نے مالی بحران کے حل کے لیے اعتمادکا ووٹ حاصل کرنے کی قرار داد خود پیش کی تھی تاہم وہ پارلیمنٹ کا اعتماد حاصل کرنے میں ناکام رہے۔بائرو نے دسمبر 2024 میں وزارتِ عظمیٰ کا عہدہ سنبھالا تھا۔رپورٹس کے مطابق جاری مالی بحران، عوامی تعطیلات ختم کرنے اور فلاحی اخراجات میں کمی کرنے جیسے اقدامات وزیراعظم کے خلاف عدم اعتماد کی بڑی وجوہات بنیں۔فرانسوا بیرو صرف نو ماہ سے اس عہدے پر فائز تھے انہوں نے اپنے اتحادیوں کو بھی حیران کر دیا جب انہوں نے اپنے سخت گیر بجٹ پر طویل تعطل ختم کرنے کے لیے اعتماد کا ووٹ طلب کیا.حکومت گرنے کے بعد اپوزیشن رہنما میریں لی پین نے فوری نئے انتخابات کا مطالبہ کر دیا ہے۔فرانسیسی صدر میکرون کو اب نئے وزیراعظم کی تقرری کرنا ہوگی یا نئے الیکشن کروا کربحران کا حل تلاش کرنا ہوگا تاکہ 2026 کا بجٹ منظور ہو سکے۔ گزشتہ 2 سالوں میں 4 وزرائے اعظم آچکے ہیں اور اب پانچواں وزیراعظم بھی شاید اس سیاسی تعطل کو ختم نہ کرسکے۔
