امریکا کے صدر ڈونلڈ ٹرمپ نے کہا کہ وہ جنوبی کوریا کے دورے کے دوران شمالی کوریا کے رہنما کم جونگ اُن سے ملاقات کی خواہش رکھتے ہیں۔دوسری جانب اہم امریکی عہدیدار نے بتایا کہ صدر ٹرمپ کے دورے جنوبی کوریا کے دوران شمالی کوریا کے رہنما سے ملاقات شیڈول کا حصہ نہیں۔غیرملکی میڈیا کے مطابق امریکی صدر ڈونلڈ ٹرمپ دورہ ملائیشیا پر روانہ ہو گئے۔صدر ٹرمپ نے روانگی سے قبل اس خواہش کا اظہار کیا کہ وہ جنوبی کوریا کے دورے کے دوران شمالی کوریا کے رہنما کم جونگ اُن سے ملاقات کے خواہشمند ہیں۔انہوں نے کہا کہ میں کم سے اچھی طرح واقف ہوں اور ہم ایک دوسرے کے ساتھ اچھے تعلقات رکھتے ہیں۔خبر ایجنسی کے مطابق امریکی صدر ڈونلڈ ٹرمپ ملائیشیا میں آسیان رہنماؤں کے 47ویں اجلاس میں شرکت کریں گے۔وہ اجلاس کے بعد جاپان اور جنوبی کوریا میں ایپک اجلاس میں بھی شریک ہوں گے۔جنوبی کوریا میں ایپک اجلاس کے موقع پر صدر ٹرمپ چینی صدر شی جن پنگ سے بھی ملاقات کریں گے۔
