وزیراعلیٰ خیبرپختونخوا علی امین گنڈاپور کے وارنٹ گرفتاری انسداد دہشتگردی عدالت راولپنڈی کے جج امجد علی شاہ نے منسوخ کردیئے۔راولپنڈی کی انسداد دہشتگردی عدالت نے وزیر اعلیٰ خیبر پختونخوا علی امین گنڈاپور کے ناقابلِ ضمانت وارنٹ گرفتاری معطل کرتے ہوئے اشتہاری قرار دینے کی کارروائی بھی منسوخ کر دی .علی امین گنڈاپور کے وارنٹ گرفتاری 24 نومبر کو پی ٹی آئی احتجاج کے حوالے سے تھانہ صدر حسن ابدال کے مقدمات میں جاری کیئے گئے تھے ۔ملزم کے وکیل فیصل ملک نے بتایا کہ عدالت نے ہماری درخواست کو منظور کرتے ہوئے علی امین گنڈاپور کے وارنٹ گرفتاری منسوخ کردئیے کیونکہ وہ تمام مقدمات میں پہلے ہی پشاور ہائیکورٹ سے 16 جنوری تک ضمانت حاصل کرچکے ہیں۔لہذا وارنٹ گرفتاری منسوخ کرنے کی درخواست منظور کی جائےوکیل نے پشاور ہائیکورٹ کا حکم نامہ بھی عدالت میں جمع کرایا ۔ جس پر عدالت نے علی امین کے ناقابل ضمانت وارنٹ گرفتاری معطل کر دیئے۔
