پاکستان تحریک انصاف کے رہنما عاطف خان کی عون چوہدری سے ملاقات پر پارٹی رہنماؤں نے عاطف خان ہدف تنقید بنالیا۔ ذرائع نے بتایا کہ عاطف خان کی عون چوہدری سے ملاقات پر وزیراعلیٰ خیبر پختونخوا علی امین گنڈاپور سمیت پارٹی رہنماؤں نے اس پر تنقید کی۔عاطف خان کا کہنا تھاکہ خفیہ نہیں دن کی روشنی میں سب کے سامنے ملاقات ہوئی اسلام آباد کلب میں معمول کے مطابق واک کےلیے گیا تھا جہاں عون چوہدری سے آمناسامنا ہوا تو کسی نے تصویر لی۔ذرائع کے مطابق پی ٹی آئی کے سینیئر رہنما نے ملاقات کی تصویرپارٹی کے واٹس ایپ گروپ میں شیئر کی .پی ٹی آئی کے مرکزی سیکریٹری اطلاعات شیخ وقاص اکرم نے کہا کہ پی ٹی آئی ورکرز اور قیادت عاطف خان کی اس ملاقات کو ناپسندیدہ سمجھتی ہے۔عون چوہدری نے ہمارےلیڈراور ان کی اہلیہ کے خلاف گواہی دی تھی۔
