بھارتی پنجاب کی جوڈیشل مجسٹریٹ نے 51 سالہ بالی ووڈ اداکار سونو سود کے خلاف مبینہ مالی فراڈ کے مقدمے میں گرفتاری کے وارنٹ جاری کر دیے۔بھارتی پنجاب کے جوڈیشل مجسٹریٹ نے 51 سالہ سونو سود کے مبینہ مالی فراڈ میں ملوث ہونے کے کیس میں وارنٹِ گرفتاری جاری کیےجبکہ کیس کی اگلی سماعت 10 فروری کو مقرر کی گئی ہے۔بھارتی میڈیا کے مطابق لدھیانہ کے وکیل راجیش کھنہ نے موہت شکلا کے خلاف مقدمہ دائر کیا، جس میں الزام ہے کہ انہیں جعلی سرمایہ کاری کا جھانسہ دیا گیا تھا .عدالت نے سونو سود کو اس کیس میں گواہی کے لیے طلب کیا تھا لیکن اداکار عدالت میں پیش نہ ہوئے جس پر لدھیانہ کے جوڈیشل مجسٹریٹ نے اداکار کے وارنٹ جاری کیے۔بھارتی میڈیا کے مطابق اس کیس میں بالی ووڈ اداکار سونو سود پر بالواسطہ طور پر ملوث ہونے کا الزام عائد کیا گیا ہے۔تاہم ابھی تک اس معاملے میں سونو کی کسی ٹیم یا وکیل کی جانب سے کوئی بیان جاری نہیں کیا گیا ہے۔
