کراچی میں مصطفیٰ عامر قتل کیس کی تحقیقات کے دوران شریک ملزم شیراز نے سنسنی خیز انکشافات کیے ہیں۔نیوز ویلی کے مطابق مصطفیٰ عامر قتل کیس میں گرفتار شریک ملزم شیراز کی سنسنی خیز تفتیشی رپورٹ سامنے آگئی۔تفتیشی رپورٹ کے مطابق ملزم شیراز اور ارمغان بچپن کےدوست ہیں اور اسکول میں ساتھ پڑھتے تھے اسکول کے بعد اب ڈیڑھ سال قبل ارمغان سے شیراز کی دوبارہ دوستی ہوئی.رپورٹ میں کہا گیا ہے کہ ملزم شیراز کے مطابق ارمغان کو اسلحے کا شوق تھا مصطفیٰ عامر بھی ارمغان اور شیراز کا دوست تھا مصطفیٰ سے شیراز کی دوستی ارمغان کے یہاں ہی ہوئی تھی۔ ارمغان بنگلے میں اکیلا رہتا تھا اور کال سینٹر چلاتا تھا جس میں خواتین سمیت 30 سے 35 افراد کام کرتے تھے۔نیو ایئر نائٹ پر ارمغان نے اپنے بنگلے پر پارٹی رکھی تھی .لیکن مصطفیٰ عامر نہیں آیا تھا.ملزم شیراز نےاسپیشل ایونسٹی گیشن ٹیم کوبتایاکہ مصطفیٰ اور ارمُغان میں لڑکی کےمعاملے پر لڑائی ہوئی لڑکی نے ارمغان سےمتعلق بات بتائی جس کامصطفیٰ نےمذاق بنایا ارمغان شدیدناراض تھا.5 جنوری کو ارمغان نے کال کرکے شیراز کو بنگلے پر بلایا رات 10 بجے جب بنگلے پر پہنچا تو ارمغان کے ساتھ ایک لڑکی کو موجود پایا۔تفتیشی رپورٹ کے مطابق ارمغان نے لڑکی سے جھگڑا کیا تھا اور لڑکی کے پاؤں پر خون لگا ہوا تھا، شیراز کے پہنچنے کے بعد ارمغان نے لڑکی کو آن لائن کیب میں واپس بھیج دیا۔رپورٹ کے مطابق بعدازاں 6 جنوری کو مصطفیٰ نے کال کرکے ارمغان کے بنگلے پر شیراز کو بلایا مصطفیٰ نے ارمغان کو ایک شاپر دیا جس کے بدلے میں ارمغان نے ڈیڑھ لاکھ روپے دیے کچھ دیر بعد ارمغان نے مصطفیٰ کو گالیاں دینے کے بعد سیاہ رنگ کے ڈنڈے سے مارنا شروع کردیا اس کے سر اور گھٹنوں پر مارا جس کے باعث اس کا خون بہنا شروع ہوگیا.تفتیشی رپورٹ کے مطابق ارمغان نے پھر ایک رائفل اٹھائی اور دیوار پر 2 فائر کیے دھمکانے کے بعد مصطفیٰ کو اسی کی گاڑی میں ڈال دیا گیا اور بعد ازاں بلوچستان لے جاکر گاڑی سمیت جلا دیا گیا۔ارمغان کے گھر پر خون کے نشانات کو ملازمین سے صاف کروایاگیا شیراز نے بتایا مصطفیٰ کی والدہ کو تاوان کی کال کس نے کی اسکا اسےعلم نہیں۔شیراز کے مطابق ارمغان کے گھر پر اسلحے کے علاوہ بنگلے پر شیر کے 3 بچے بھی موجود تھے۔پولیس کے مطابق کیس میں گرفتار ملزم شیراز جسمانی ریمانڈ پر پولیس کی تحویل میں ہے ملزم سے مزید تفتیش کی جارہی ہے۔
