مصطفیٰ عامر قتل کیس کی تحقیقات کے دوران منشیات کیس سے جڑے ادکار ساجد حسین کے بیٹے ساحر حسن سے تفتیش میں اہم انکشافات سامنے آگئے .ایس آئی یو ذرائع کے مطابق ساحر حسن ڈارک ویب کے ذریعے باذل اور یحیٰ نامی افراد سے منشیات منگواکر اسے فروخت کرتا تھا.باذل ساحر حسن کو منشیات 2 نجی کوریئر کمپپنیز کے ذریعے ارسال کرتا تھا اس سلسلے میں ساحر کو موصول ہونے والے پارسلز کے ریکارڈ بھی حاصل کر لیے گئے ہیں۔ساحر حسن باذل کو اسنیپ چیٹ کے ذریعے منشیات کا آرڈر کرتا اور اس کی ادائیگی کے لیے والد کے منیجرکا بینک اکاؤنٹ استعمال کرتا تھا۔ایس آئی یو ذرائع نے بتایا ہےکہ ساحر حسن جس اکاؤنٹ میں باذل کو منشیات کے پیسے بھجواتا تھا وہ کسی اور کے نام پر ہے منیشات کیس کی تحقیقات میں اور بھی بہت سے بڑے نام سامنے آنے کی توقع کی جارہی ہے۔واضح رہے کہ ساحر حسن نمتعدد کمرشلز میں ماڈلنگ اور ٹی وی ڈراموں میں اداکاری کرچکا ہے جبکہ ماڈل اور اداکاری کے ساتھ فری لانس کام بھی کرتا ہے۔
