ماں کی چار سالہ بچے کی آئس کریم کھانے پر بچے نے ماں کو گرفتار کرانے کے لئے پولیس کو فون کردیا .امریکی ریاست وسکنسن کے علاقے ماؤنٹ پلیسنٹ سے تعلق رکھنے والے 4 سالہ بچے نے ماں کو سبق سکھانے کے لیے 911 پر کال ملالی . بچے نے 911 آپریٹر کو کہا کہ میری ممی بہت بری ہیں۔آپریٹر نے پوچھا کہ ٹھیک ہے مگر ہوا کیا ہے تو بچے نے کہا کہ یہاں آئیں اور میری ممی کو گرفتار کرلیں ۔اس موقع پر بچے کی ماں نے فون لے لیا اور آپریٹر کو کہا کہ اوہ اس نے فون ملا دیا ہے ماں نے ہنستے ہوئے اعتراف کیا کہ اس نے بیٹے کی آئس کریم کھالی تھی تو شاید اسی لیے اس نے 911 سے رابطہ کیا ہے ۔آپریٹر نے پس منظرسے بچے کی آواز سنی جو غصے سے چلا رہا تھا۔ پولیس اہلکاروں کو بچے کے گھر بھیجا گیا تاکہ دیکھا جاسکے کہ آئس کریم کھانے کی بات کسی سنگین صورتحال کو چھپانے کا بہانہ تو نہیں ہے .جب اہلکار وہاں پہنچے تو بچے نے تصدیق کی کہ ماں نے اس کی آئس کریم کھالی تھی اور مطالبہ کیا کہ ماں کو جیل بھیجا جائے۔پولیس اہلکاروں کے مطابق مگر کچھ دیر بعد بچہ الزامات واپس لینے کے لیے رضامند ہوگیا اور کہا کہ وہ نہیں چاہتا کہ ماں کو سلاخوں کے کے پیچھے بھیجا جائے وہ تو بس مزید آئس کریم چاہتا ہے۔
