اڈیالہ جیل میں اپنے وکیل وکیل فیصل چوہدری سے بات کرتے ہوئے عمران خان کا کہنا تھا کہ انہوں نے سابق وزیر اعلیٰ گلگت بلتستان خالد خورشید کی سزا کی مذمت کرتے ہوئے کہا کہ پی ٹی آئی کا وقت آچکا ہے اور کوئی طاقت اس کو روک نہیں سکتی۔فیصل چوہدری کا کہنا تھا بانی پی ٹی آئی عمران خان نے کہا کہ انہیں بنی گالہ منتقل ہونے کی پیشکش ہوئی تھی. لیکن جب تک بغیر ٹرائل لوگ رہا نہیں کیے جاتے وہ کہیں منتقل نہیں ہوں گے۔اڈیالہ جیل کے باہر میڈیا سے گفتگو کرتے ہوئے فیصل چوہدری کا کہنا تھا کہ حکومت کے ساتھ مذاکرات میں 9 مئی اور 26 نومبر کے معاملات پر جوڈیشل کمیشن کا مطالبہ کر رہے ہیں مذاکراتی کمیٹی میں اسیران کی رہائی کا بھی مطالبہ کررہے ہیں۔فیصل چوہدری کا کہنا تھا ایک طبقہ مذاکرات کو سبوتاژ کرنا چاہتا ہے مذاکراتی کمیٹی کو اجلاس کے بعد بانی پی ٹی آئی سے ملاقات کی رسائی دی جائے۔
